ILOILO City – Ginakabig nga high value target level 2 sang Philippine Drug Enforcement Agency ukon PDEA 6 si Ryan “Arsap” Jablo nga amo ang subject sang search warrant sa Brgy. San Isidro, Jaro, Agosto 29, 2018.
Suno kay PDEA Agent Nicolas Gomez, HVT level 2 si Arsap Jablo kag konektado sa Prevendido drug group.
“Nasa target list natin siya. Isa siya sa mga remnants ng Prevendido drug group. Isang high value target,” ang pahayag ni Gomez.
Si Arsap Jablo amo ang kamanghuran sa mag-utod nga Jablo sa diin tatlo na ang napatay bangod sa kaangtanan sa illegal nga droga.
Aminado man si Arsap Jablo nga daw may nagahingabot sa ila sa diin duha ka tuig na ang nakalipas sang may nagtuyo man nga magpatay sa iya sa gwa sang ila balay sa Jaro apang kibyas lang ang iya naagum.
“Bata pa ko negosyante ko sa merkado kami nagdaku mo. Tinudluan kami snag tatay namon sang kaayuhan indi nga katuntuhan ah… Amo na gani ubuson kami nila, te paubos sa ila para di na nila makita ang mga Jablo bala.”
RMN File Photo
