Giawhag sa Arsobispo sa Sugbu , Jose Palma ang mga magbabalaud sa nasud nga magpanday ug mga balaudnon nga pinasubay sa kabubut-on ug unsay gitudlo sa Diyos .
Unod kini sa mensahe ni Palma sa iyang wali atol sa kapistahan sa Birhen sa Regla kagahapon sa dakbayan sa Lapulapu ,human nahisgutan na usab ang balaudnon nga nagtinguha sa pagtugot sa “dissolution of marriage” dinhi sa nasud .
Nalipay si Palma nga nagtan-aw sa kabaga sa mga deboto nga nanimba kagahapon nga sama ug dili mahulgan ug dagum , ug naglaum nga ang mga pag-ampo ngadto sa Birhen maoy maggiya sa mga magtotoo sa pagsunod sa pagtulon-an sa Diyos .
Gawas sa dissolution of marriage , nipasidaan usab si Palma sa same sex union nga mohatag ug kabalaka sa mga magtotoo kung unsay mahimong sangpotanan niini .
