Sa pakighinabi sa DXDC RMN kang Professor Merle Comidoy-Acol, Program Chair sa Bachelor of Multimedia Arts sa LPU-Davao atol sa Straight to the Point Morning Edition kauban si RadyoMan Misel Miral-Galve, iyang gibutyag nga wala’y mali sa paggamit og AI tungod kay sa maong paagi mapadali ang trabaho sa katawhan ug sa komunidad kung dumalaon lang kini nga responsible ug han-ay.
Apan, dako ang mamahimong epekto niini sa mga trabaho tungod aduna na’y mga kompanya karon nga naga-operate gamit na ang mga robots. Dugang pa ni Acol nga angay palambuon ug mas umulon pa sa katawhan ang ilang mga kaalam ug kahanas kay kung ugaling makitang kaya na i-automate sa AI ang mga trabaho, daghang mawad-an og panginabuhian ug kung duna ma’y trabaho, gamay na ang sweldo.
Gilayong dakong hagit kini alang sa gobyerno diha sa pagbuhat og balaod kung unsaon aron makasiguro nga episyente ang paggamit niining AI nga dili makaapekto ug makadaot sa trabaho sa mga tawo.
RadyoMaN Ivy Parido
