Davao City – Muhimo og carthographic ketch ang Toril PNP sa suspek nga nipusil sa 50 anyos nga lalaki alas 5:50 sa hapon adlawng Sabado sa Purok 5, Immaculate, Brgy. Lubogan, Toril ning syudad.
Giila ang biktima nga si Rene Montiero Santos alyas Ato, negosyante, residente sa Purok 6, Immaculate, Brgy. Lubogan, Toril.
Sa pakighinabi sa RMN Davao kang Police Lt. Col Jed Clamor, Toril PNP station commander, nga aduna silay mga gikuptang mga eye witness nga mutabang sa pagidentipika sa dagway sa mga suspek.
Nakatutok usab karon ang kapulisan sa pagsuta sa motibo sa pagpamusil patay sa biktima.
Sumala ni Clamor ang biktima nibisita kini sa shop aron susihon ang gipapintura niining multi-cab apan kalit kining gipusil sa shop.
Gihulagway ang suspek nga anaa sa 5”2 kataas, slim o solid ang build, naka black sweat shirt, naka fit maong nga pantaloon, ug naka suot og headgear bonnet.
Human niini gipusil ang biktima dali kini nisakay sa scooter u gang driver gihulagway usab nga anaa sa 5”3 ang height, chubby, naka half face black helmet, white jacket, ug naka pantalon.
Subay sa report sa Scene of the Crime Operatives nakahiagom ang biktima og duha ka pinusilan sa iyahang ulo ug narekober usab sa crime scene ang duha ka basyo sa .45 kalibre sa pistola ug gipailawom na kini sa ballistic examination.
Gibutyag ni Clamor nga naningkamot sila sa pagawhag nga mutabang sa imbestigasyon ang pamilya kinsa nagbangutan pa sa kamatayon sa biktima.
RadyoMaN Aimee Guinita
