Mao kana ang gipadayag sa usa ka Michael Burga kinsa gigamit ang iyang talento ug gugma sa musika aron nga makalingkawas sa kangitngit sa iyang kinabuhi dala sa stress, depression ug nagkandaiyang problema.
Atol sa Atol sa Buloy Suicide Prevention Forum nga gipahitabo sa Holy Cross of Davao gahapong adlawa, September 29, 2023 gituki ni Bachelor of Science in Psychology Program Chairperson Dr. Jerson John Trocio kung paunsa makatabang ang ‘arts’ aron nga mukalma ang hunahuna ug kasingkasing sa usa ka tawong aduna’y mga ginahambin nga kaguol ug suliran sa kinabuhi sama sa mga dance/music therapies ug uban pa.
Gibutyag sab ni Burga nga diha sa pagkanta ug pagpaminaw sa mga paboritong musika, nakita niya og balik ang kahayag ug paglaom nga nagtuo siyang nawala na inubanan sa kanunay nga pagpangamuyo sa labaw nga makagagahom.
“Once naa moy problem bitaw, ayaw gyud kalimti nga mag pray kay mao nay pinakaepektibo. Kailangan lang nato gyud na magpaka solid sa atong faith kay i think that’s the thing na maghelp sa atong individual growth and maturity.”
RadyoMan Ivy Parido
