Dapitan City, Zamboanga del Norte – Patay ang usa ka asawa human gidunggab sa iya mismong bana sa alas 7:30 sa gabii niadtong adlaw huwebes didto nahitabo sa Brgy Dampalan, sakop sa dakbayan sa Dapitan.
Giila ang biktima nga mao si Manolita Nee Bunalan Gabonada, 46 anyos, minyo ug molupyo sa nasampit nga dapit.
Sumala pa sa nahipos nga kasayuran sa Dapitan City Police station,nga kanunay nalang magkalalisay ang biktima ug iyang bana nga si Cristituto Icao Gabonada, sulod sa ilang balay tungod sa kaseloso sa bana.
Nagbinayloay sila og mga mahait nga mga pulong niadtong higayuna nga miresulta sa pagkuha og sundang sa bana ug gihansakan angtuong bahin sa tiyan sa iyang asawa.
Ang asawa naka maniobra unta layat sa may balkonahe sa ilang balay apan pipila ka metros ang gilaktan kalit nahagba ug namatay.
Narekober sa dapit ang sundang nga dunay gitas-on 15 polgadas nga maoy gigamit sa pagdungab sa asawa.
Ang suspek nakasibat human sa krimen apan sa gihimong follow-up pursuit operation sa dapitan pnp ilang kining nadakpan mga alas 11:30 kagahapon sa buntag didto sa barangay Mitimos lungsod sa rizal zamboanga del norte.
Sa kasamtangan, kapulisan sa Dapitan City Police Office gihikay na ang kasong parricide batok sa suspek.
