![WEBSITE-18-×-10-in-82.jpg](https://i0.wp.com/rmn.ph/wp-content/uploads/2024/07/WEBSITE-18-×-10-in-82.jpg?resize=696%2C387&ssl=1)
Davao City – Mag-atubang sa tukmang kaso ang usa ka lalaki human niya gidunggab ang iyahang kanhi asawa sa Purok Pag-asa, Barangay Tres de Mayo, Digos City, Davao del Sur niadtong Martes, July 23, 2024.
Sa report sa Digos City Police Station, ang biktima giilang si alyas Analy, 44 anyos, minyo, residente sa Purok Pag-asa Barangay Tres de Mayo, Digos City. Samtang ang suspect mao ang kanhi bana niini nga si alyas Rolando, 48 anyos, taga Power Highway, Tres de Mayo, Digos City.
Sa impormasyon, ang magtiayon nagbulag na niadtong 2020 ug dili sab in good terms.
Nasayrang kalit lang nga gidunggab sa suspect ang biktima ug selos ang ginalantaw nga motibo sa krimen. Gilayon sab nga gidala sa ospital ang biktima.
Samtang wala na narekober sa kapulisan ang hinagiban nga gigamit sa suspect, diin posibleng iyaha kining gilabay o gitaguan.
RadyoMaN Kirby Manzon
Facebook Comments