Nautod ang nawala nga kamot sang isa ka asawa matapos ginlabu sang wasay sang iya bana.
Nautod ang tul-an sa nawala nga kamot sang biktima nga si Elvira Occillo, 59 anyos sang Barangay Odiongan, San Dionisio matapos ginwasay sang iya bana nga si Rebelito Occillo, 53 anyos.
Ginpahayag nga hubog nga nagpauli ang bana kag ginsukaran pa sang pagkaon sang iya asawa agud panyapon.
Samtang nagakaon, nagmuno ang biktima nga may balayran sila sa kuryente apang wala sila sang inugbayad.
Ginsuhestyon sang asawa nga ayuon lang n ila sa ila barangay kapitan nga medyusan sila sang inugbayad apang naakig ang bana kag nagkuha sang wasay kag ginlabu ang biktima nga nakaagum sang pilas sa likod, hita, kag ulo kag nautod ang nawala sini nga kamot.
Yara naman karon sa kustodiya sang kapulisan ang bana samtang nagapabilin naman sa ospital ang biktima.
