Sumala ni Police Major Ricky Obenza, Calinan Police Station Commander, nidangop sa ilahang buhatan aron ipadakop ang iyahang bana ug kabit niini human niya maaktuhi sa sulod sa ilahang balay nga nagdulog sa kama nga walay mga sanina.
Gisaysay sa asawa ngadto sa kapulisan nga nakita gayod niini ang pruweba sa iyahang duda nga aduna nay laing karelasyon ang iyahang banang maestro.
Sa video natugaw ang pagkatulog sa duha ka mga gireklamo atol sa pagsulod sa asawa uban ang mga pulis.
Gisultihan pa sa bana ang asawa nga bulag na matud pa silang duha.
“Pagsilip niya sa kwarto nakatulog ug nakahubad ang duha so gikan to nag-sex kay nakahubo man. Niadto siyang station nangayo siya’g assistance giadtuan sa atong mga police ug nakahubad pa gyod pag-abot sad sa atong mga pulis,” sumala ni Obenza.
Parehong gidakop sa kapulisan ug naka-detain karon ang nasangpit nga maestro ug ang kerida.
Giabisuban usab ang complainant nga mupailawom sa psychiatric evaluation s SPMC-IPBM.
RadyoMaN Aimee Guinita
