Pangabubho maoy hinungdan nga gidunggab ug gipatay sa usa ka bana ang iyang asawa nga iyang naapasan sa pinuy-anan sa ilang anak sa Barangay Babag I sa dakbayan sa Lapulapu .
Ang biktima nailhan nga si Liza Arosia , samtang ang nagpatay niya, iya ra sang bana nga si Emilio Arusia , 48 anyos , ug usa ka traysikol driver .
Ang biktima nilakaw gikan sa ilang pinuy-anan sa Sacsac sa lungsod sa Dalaguete niadtong Sabado kay moadto sa balay sa ilang anak sa Lapulapu .
Kagahapon niapas ang bana nga nangabubho ug pag-abot niya sa balay sa ilang anak , way daghang estorya ug gidunggab dayon niini ang biktima.
Gida pa sa tambalanan ang biktima , apan nakabsan gyud kini sa kinabuhi .
Ang bana nga suspek padayong gipangita karon sa kapolisan .
Facebook Comments
