Davao City – Giguyod sa bana ang iyang asawa sa Women and Children’s Protection Desk (WCD) aron ireklamo tungod sa iyang pagduda nga aduna kini lain.
Sa blotter sa Talomo PNP, ang bana nga si alyas Cardo, 54 anyos, membro sa Civil Security Unit nagpuyo sa Barangay Matina Crossing, Davao City, nakadiskubre sa cellphone sa iyang asawa nga si alyas Gina, 43 anyos, utility crew sa PSSCC nga nagkanayon ”Bakit mo pinatay ang cellphone mahal”.
Sa dihang iyang gipangutana ang iyang asawa mahitungod sa mensahe nga iyang nadiskubrehan nangugat ug maayo ang asawa nga wala kini gikabuangan nga lalaki.
Apan wala mituo si alyas Cardo rason nga iyang giguyod iyang asawa ngadto sa WCD ug sa dihang giimbestigahan sa mga pulis mikumpisal si alyas Gina nga ang mensahe gikan sa iyang lain nga si alyas Ador.
Gitambagan sa WCD sa presinto tres ang bana nga dad-on ang iyang reklamo batok sa iyang asawa sa barangay aron didto nila hukman ang ilang kahimtang isip mga magtiayon.
RadyoMaN Erin Lumosbog
