Report ni: Jennifer Palomo Debaja
NAGAPATI BALA KAMO SA DESTINY?
Nagviral sang damlag lang ang estorya sang isa ka babaye sa pungsod Taiwan matapos iya nadiskubre nga iya man lang mister ang nag luwas sang iya kabuhi onse na ka tuig ang nagligad paagi sa pagdonar sang dugo.
Dyutayan lang kuntani nadula ang kabuhi ni Lin sang siya ang ma aksidente sa salakyan onse ka tuig ang nagligad. Naka angkon sang bleeding disorder si Lin. Nangin kritikal ang iya kondisyon kag kinahanglan niya sang 10 ka bag nga dugo kag 2 ka bag sang platelets agud maka survive.
Sadto nga tion maswerte nga yara naman si Lian, mahilig ini mag donar sang dugo, si Lian ang nag boluntaryo nga magdonar kag gin patigayon ang transfusion agud ma stabilized ang kondisyon ni Lin.
Nagligad ang pito ka tuig, lipod sa ihibalo sang duha, sila ang nagkilalahay kag nagluyagay, kag sila ang nag pakasal sadtung Marso tuig 2018.
Nag abot sa punto nga luyag ni Lin kilalahon kag pasalamatan ang persona nga nag donar sa iya sang una sang dugo. Nagpadulong siya sa ospital nga sa diin siya na confine kag nag tinguha nga makakuha sang impormasyon sa blood donation center.
Dismayado si Lin tungod wala ini gin tugutan nga maka kuha sang impormasyon angut sa nagdunar. Wala siya mag untat sa pag usisa kag pagkumbinsi sa isa ka staff sang ospital kag sang ulihi, naangkon niya ang listahan sang mga pangalan ka tawo nga nag hatag sang dugo.
Na sorpresa si Lin sang nakita niya ang apelyido sang iya bana. Gin hatag niya ang identification card sang iya bana agud ma verify kung naka donar gid man ang iya mister kag gin kumpirmar sang staff nga iya gid man mister nga si Lian ang isa sa naka donar sang dugo. Daw indi matakus ang kalipay nga iya nabatyagan sang mga tion nga ato.
Subong pareho na nga advocates si Lian kag Lin sa pag donar sang dugo.
Image source: China Times
