Sa interview sa DXDC RMN Davao kang Police Major Al Anthony Gumban, Chief of Police sa Mati City Police Station, iyang gisaysay nga gilayong girespondehan sa kapulisan ang report sa banang sundalo nga si alyas Daniel ug didto sa room 106 sa hotel, iyang nasakpan nga naghimo’g milagro ang iyang asawa nga si alyas Cathy uban ang ulitawo nga alyas Andres.
“Nangayo man siya (ang bana) og police assistance didto sa hotel. Nasakpan gyud ‘to niyang duha didto gakuan, kadto iyang asawa ug kadtong lalaki naa didto sa hotel. Mao ‘to nga gidakop (sila),” sulti ni Gumban.
Matud sa pulis, posibleng nagduda na ang bana nga adunay milagrong ginabuhat ang iyang asawa samtang anaa siya sa trabaho, hinungdan nga gipasundan niya kini ug didto na-‘caught in the act’ niya ang dili maayong binuhatan sa iyang asawa.
Apan, inay iduso ang kasong adultery, wala gipadayon sa banang sundalo ang kaso ug gipagawas ang duha kagahapong adlawa, Enero 8, 2024.
Nasayrang adunay duha ka anak ang magtiayon nga posibleng maoy rason sa pag-atras sa kaso aron dili maguba ang ilang pamilya.
RadyoMaN Kirby Manzon
