Davao City – Midangop sa Toril PNP ang usa ka lalaki nga si alyas Jose aron ireklamo iyang asawa sa dihang naka angkon kini og samad-dinunggaban sa toong bahin sa iyang likod ingon man bun-og sa nagkadaiyang parte sa kalawasan.
Base sa report sa kapulisan, bandang ala-1:30 sa kaadlawon samtang nagsiping sila sulod sa ilang balay sa Toril, kalit nga nagkalalisay kini sa iyang asawa nga si alyas Bonita kay matud pa wala kini makontento.
Gani, kalit gikulata ang bana ug wala pa matagbaw ang asawa busa gidunggab kini sa makadaghang higayon sa wala pa matino nga hinagiban.
Sa maong panghitabo dali niya kining gipadangat sa mga otoridad ug gi-abisohan nga magpatambal sa SPMC samtang ang kaso gi-atiman na sa General Investigation Section sa Toril PNP.
RadyoMaN Paul Canono
