Asawa nga nakigdulog sa kabit sa kaugalingong panimalay, gipatay sa bana sa CDO

88

Kasong homicide ang gipasaka batok sa 47 anyos nga si Celio Villa, human niini nadunggaban patay ang kaipon nga si Cecil, 35 anyos nga pulos nagpuyo sa Sitio Monique, Barangay Mambuaya ning dakbayan.

 

Gibutyag ni SPO2 Allen Tamayo sa Lumbia Police Station, nga mga alas sais sa gabii niadtong Domingo, dihang nasapon matud pa ni Celio ang kaipon nga nakighilawas kang Ruel Tomas, 36 anyos, konduktor nga taga-Cotabato City, sulod sa ilang payag.

 

Nasayran nga nasapon na usab kaniadto ang duha ni Celio, apan iya kining gipasaylo gumikan sa iyang gugma sa kaipon.

 

Apan nasubli kini niadtong Domingo kung asa, wala na makaagwanta ang suspek ug dunggabon unta niini si Tomas, apan gihimo niining taming si Cecil.

 

Tungod niini, ang biktima maoy nadunggaban sa dughan samtang gilayong misibat si Tomas, human sa insidente.

Facebook Comments