Sindangan- Pormal na karon nga gipasakaan ug kaso si Robelita Insang Balamban, 49 anyos, molupyo sa Benigno Aquino sakop sa lungsod sa Sindangan ning atong probinsya.
Subay sa taho sa imbistigasyon sa kapulisan sa maong lungsod 11:10PM niadtong adlang martes nahitabo ang pagpanigbas.
Ang biktima mao si Mariano Labusan Balamban mismo bana ni Robelita, hinungdan sa maong pagpanigbas sa dihang mipauli na sa panimalay ang biktima nga si Mariano ug lango kini sa ilimnong makahubog saysay pa sa iyang asawa nga nagmaoy kini.
Niadtong higayuna naglayog ang maong mag asawa apan naka tiempo usab si Mariano sa pagkuha sa botelya sa ilimnon ug mihapak kini sa makadaghan nga higayon, nakangkon ug samad sa ulo ni Robelita.
Samtang si Robelita mibalos usab kini ngadto sa iyang bana gamit ang sundang, mitigbas kini sa makadaghan nga higayon hinungdan nga nakaangkon ug samad tinigbasan sa nagkadaiyang parte sa lawas ni Mariano nga gidali usab kining gidala sa Sindangan District Hospital.
Human nga mitahan si Robelita ngadto sa kapulisan, nag atubang na kini karon sa kasong Frustrated Parricide.
