Niduaw ang asawa ni Atty .Jonnah John Ungab ngadto sa Homicide Section sa kapolisan sa dakbayan sa Sugbu ug nagda ug mga dokumento nga makatabang sa imbistigasyon sa pagpatay sa iyang bana .
Apan ang hepe sa Homicide Section ug Task Force Ungab spokesman nga si Sr, Inspector Jonathan Taneo nagdumili pagbutyag kung unsa ang unod sa mga dokumento nga gidala ni Pearl Ungab sa ilang buhatan.
Gihulagway ni Taneo nga daku kini ug matabang sa nagpadayong imbistigasyon sa pag-ambush ni Atty. Ungab .
Dungan niini gipasabot usab ni Pearl kung nganong sila ang padayong nagkupot sa cellphone sa iyang bana ug wa nila kini itugyan ngadto sa PNP.
Matud ni Pearl gusto lang nilang proteksiyonan ang mga kliyente sa iyang bana nga iyang gihulagway nga sensitibo kaayo.
