Manukan, ZDN- Gikumpirma mismo sa asawa sa biktima nga si Archie Nazareno Cerna kinsa gipusil patay sa miaging semana didto sa San Antonio, Manukan, ZDN nga Love Triangle gayod ang hinungdan.
Una niana, base sa imbistigasyon gibutyag sa PNP Manukan nga ilang gitan-aw ang pagkalambigit sa biktima sa laing babaye ug gesundahan kini sa asawa human niya nabasa ang mga text messages gikan sa cellphone sa iyang bana.
Linawas nga mipahibalo sa buhatan sa kapulisan sa Manukan ang asawa aron I presentar ang mga text messages nga mao na unya ang gamiton nga ebidensya batok sa mamumuno.
Matod pa ni hepe nga si kapitan Benjamin Napigkit nga adunay mga text nga nagkanayon, undangan na ang pakiglambigit sa biktima ngadto sa dili niya asawa, apan wala kini naminaw hinungdan nga misangpot na hinuon sa pagpamusil.
Naglaom ang hepe nga sa dili madugay, mailhan na gayod ang mihimo sa maong krimen ug posible na unya nga itaral kini sa hukmanan aron panubagan ang salaod nga iyang nabuhat.
