Sumala ni Jeannie Timtim, narekober kagahapon sa udto, January 24, 2023 ang patay’ng lawas sa iyang bana nga mi-dive nga nailang si Jun Rex Timtim, 34 anyos, sa dagat sa Limao, Island Garden City of Samal, Davao del Norte duol sa iyang giambakan.
Matud sa asawa, misalom ang mga mamanaay og isda aron tabangan ang pamilya ug nakita ang lawas sa iyang bana.
Gisaysay usab ni Jeannie nga niadtong nahitabo ang insidente gisulayan pa og tabang ang lalaki apan nagtuo kini mao na kadto ang signos sa kinabuhi sa iyang bana tungod sa panghitabo.
“Pero na-tryan pa siya’g itsahan og pisi sa akong papa kay tan-aw sakong papa kaya pa itsahan og pisi para mahawiran niya… ambot signos gyud siguro niya kay ang pisi nga giitsa nasangit man gud,” saysay ni Jeannie.
Nagpasalamat usab si Jeannie sa DXDC RMN Davao tungod sa mga panawagan nga tabangan sa pagpangita ang iyang bana ingon man sa tanang mitabang kanila.
RadyoMaN Don Pulayao
