Asawa sa suspek nga misukol patay sa kapolisan sa Misamis Oriental, gikasakit ang pagpatay sa iyang bana

88

Sakit ang buot sa usa ka asawa human nga napusilan patay ang iyang bana sa gihimong operasyon sa Provincial Drug Enforcement Unit kon PDEU ug Alubijid Police Station sa Misamis Oriental.

 

Matud sa asawa sa biktimang si Ben Raterta alyas ‘’junjun’’, 53 anyos minyo nga natulog lang ang iyang bana sa ilang panimalay dihang miabot ang kapolisan ug gipusil sa walay hinungdan ang iyang bana.


 

Dugang pa sa asawa nga aminado siyang gapamaligya ang iyang bana kaniadto og droga apan usa na ka tuig kining miundang.

 

Matud sa asawa nga imbes nagbag-o na ang iyang bana, ayha hinoon kini gipatay.

 

Samtang gipanghimakak sa kapolisan nga ilang gipusil deretso ang biktima nga si Ben Raterta alyas Junjun.

 

Matud sa kapolisan, nga gipahigayon ang drug buy bust operation alas 4 sa kadlawon ug positibo nga napalitan si Raterte og droga.

 

Dihang nabantayan niini nga polis ang iyang ka transaksiyun, misukol kini gamit ang .38 nga kalibre sa armas hinungdan nga napusilan sa kapolisan.

 

Naangkon sa biktima ang tulo ka samad pinusilan hinungdan sa iyang kamatayon.

 

Dugang pa sa kapolisan, nga kung wala misukol ang suspek, dili kini mapusilan.

Facebook Comments

From Advertisers