Via RMN Roxas
Daw anu bala kasakit kag kaakig ang imo mabatyagan kun ma-aktohan mo mismo nga ang imo umagad nga babaye may yara sang kahulid nga iban nga lalaki?
Ini ang natabo sa isa ka banwa sa probinsya sang Capiz kun sa diin natigayon gid nga malab-an sang 66-anyos nga suspek ang lalaki nga gina-alegar karelasyon sang iya umagad nga babaye.
Suno sa panaysayon sang suspek, mga alas otso sang gab-e sang ang mga ini ang naghimos kag hana nga magasirado sang ila restaurant.
Na-notisyahan sini nga kasubong indi mapahamtang kag nagadali ang iya umagad nga ginhingadlan kay “Mariposa’. Nakit-an man sini nga nahitso na ang iya higdaan sa may kusina rason nga nagdugang pa gid ang iya pagdudar.
Naglakat ang suspek pauli sa ila panimalay kag makaligad ang kapin sa 20-minutos nagbalik ini sakay sa iya motor apang iya ginbilin mga 30-metros ang kalayuon halin sa karendirya. Nag-agi ini sa nalikod nga porsyon kag didto ginbuksan ang pwertahan nga nalipatan gali nga ma-kandado.
Ginkakibot na lamang sang suspek sang magtampad sa iya panulokan ang naga-higda nga babaye kag kaiping nga lalaki. Suno pa diri base man sa iya panaysayon sa mga katapo sang kapulisan, lunsay ang mga ini wala sang panapton.
Nagtuyo nga mag-gabot sang kutsilyo ang biktima apang madasig nga ginlabo ini sang suspek sa nawala nga porsyon snag iya kamot.
Matapos ang insedente, insigida nga nagpadulong sa stasyon sang kapulisan ang 66-anyos nga suspek kag pagresponder sang mga ini sa lugar wala na maabtan ang biktima nga madasig nga nagpalagyo.
Nahibaluan nga isa ka membro sang Philippine Army ang bana sang babaye kag assign sa iban nga lugar.
Hungod namon nga gin-hinago ang mga pangalan kag lugar sang insedente.
