Canda Police Superintendent Nonito Asdai y Chief Inspector Raymond Sanson ya asumi nuevo posisyon na diila presente estado bajo na Zamboanga City Police Office (ZCPO).
Enantes aga pormedio del un simple ceremonya con Asdai y Sanson yah ace sale orden para encavesa con dos separao departamento del policia local donde necesita el diila cada cualan talent.
Desdel oficina central, con Supt. Asdai ya designa el hefe del policia local Senior Supt. Neri Vincent Ignacio como el nuevo hefe del Mobile Patrol Group, y mientras con Chief Inspector Sanson ya designa como el hefe del Traffic Management Group desdel Traffic Section del Police Station 11.
Asegun con Ignacio, alto el su expectaccion con el dos official que fuede estos hace buenamente el diila cada cualan trabajo y fuede servi embuenamente con el publico na diila presente capasidad. – *Bhong Simbajon/RMN News*
