Davao City – Gipaniguro sa Veterinary Office sa Mati City, Davao Oriental nga kontrolado niini ang African Swine Fever (ASF) human kini nakasulod sa maong syudad, subay sa kumpirmasyon ni Mati City Veterinary Services Office Head Marites Linsag-Erispe.
Niadtong milabay nga bulan, Disyembre 16, 2020, sa dihang unom (6) ka baboy sa Barangay Don Salvador ang namatay samtang, niadtong Disyembre 22, 2020 mikatag pa ang flu human kini miabot sa Barangay Tagbinoga human adunay residente nga nagdala’g baboy gikan sa Don Salvador, ug miabot usab kini sa Barangay Buso.
Gilayon usab nga gipatuman ang control measures lakip na ang pagpatuman og depopulation diin miabot sa 132 ka baboy ang gipatay gikan sa apektadong lugar sa tumong nga makontrola ang pagkatag sa virus.
Samtang, makadawat og financial assistance ang anaa sa 50 ka mga nagbuhi og baboy isip bayad, diin P5,000 ang bayad sa matag anay samtang P3,000 sa matag baktin.
Abiso sa City Vet nga dili pakan-on og lamaw ang binuhing baboy ug dili kini ibalhin-balhin tungod kay posible kining mahimong carrier sa ASF.
RadyoMaN Kirby Manzon
