Davao City – Anaa sa 17 ka mga baboy sa Barangay Buenavista, Bansalan, Davao del Sur ang naapektuhan sa African Swine Fever (ASF).
Sa interbyu sa DXDC RMN Davao kang Noel Provido, Spokesperson sa Department of Agriculture (DA)-XI, gibutyag niini nga duha ka piggeries kun farmers sa maong barangay ang naapektuhan sa insidente.
Gibutyag ni Provido nga 17 ka baboy sa lugar ang apektado sa virus apan 15 lang ang gi-depopulate human nga namatay ang duha niini.
Gi-rekomenda usab sa local veterinarians nga i-reduce sa 500 meters inay ipatuman ang 1-7-10 protocol tungod kay layo ra usab ang ubang piggeries ug dili na kini maapektuhan sa sakit.
“Based sa experience ug recommendation sa atong local veterinarians, nakita nila nga mas practical pag i-reduce nalang nato into 500 meters kay naay mga areas nga ang piggery labi na kung remote nga areas layo na siya sa other adjacent nga piggery,” matud ni Provido.
Gi-proseso na usab ang ayudang pinansyal sa mga farmers isip bayad sa gi-depopulate nga baboy nga apektado sa ASF sa lugar.
RadyoMaN Kirby Manzon
