Zamboanga City-Ya puede aresta el maga personahe del Culianan Police con un miembro del Abu Sayyaf embuelto na Tairan Lantawan Kidnapping .
Ya habla el Hefe del Culianan Police Chief Inspector Hazel Fernandez kay conel arestao miembro del ASG ya identifica como si Abdurasad Adjail y Asmawel /Mihila /Jabarani/alyas Sahibul /Sailani/Salip Utoh 55 anyos el edad y residente de Upper Calarian .
Si sahibul abordo na van desde na tungawan encamino para na centro del pueblo cuando apiki ya na checkpoint del culianan police ya abaha este , donde ya puede cuneste conoce el personahe del culianan police que miembro del asg y tiene pendiente mandamiento de aresto .
Ya atraka el grupo di Fernandez con Sahibul y ya questiona donde ya checkya tambien conel plastic que ta karga este que tiene laman maga wire , ya llama tambien conel bom squad quien ya confirma que maga components de bomba el cosa ta karga si sahibul .
Si sahibul detenido aura na carcel del Zamboanga City Police Office , mientras enfrenta este el omento kaso de illegal possession of explosives puera con su kaso de kidnapping .
