Mabaskog nga ginapamatukan sang Iloilo Association of Municipal Health Officers ukon IAMHO ang lihok sang DOH-6 nga magpadala sang mga doktor gikan sa Rehiyon 6 didto sa Cebu agud magbulig sa pag-away sa COVID-19.
Sa official statement sang IAMHO, ila ginapamatukan ang nasambit nga lihok bangud kinahanglanon man sila diri sa Western Visayas.
Suno sa IAMHO nga apesar nahangpan nila nga kinahanglanon sang Cebu ang dugang nga mga doktor, apang indi man nila mahimo mapabay-an ang mga pumuluyo sa lugar nga ila nasakupan.
Una diri, ginpahayag sang DOH-6 nga magapadala sila sang mga doktor sa idalum sang Doctor to Barrios program sa Cebu agud mag-augment sa CFebu bangud sa kadamo sang kaso sang COVID-19 sa nasambit nga probinsya base man sa direktiba sang DOH-national Office.
