"Asset" ya queda baho na investigacion

Un “asset” del military ya queda baho na investigacion despues el tropa del MBLT11 ya aguanta conele por el pusil que ta carga le mientras muntao na un van.
Na entrevista del RMN y Ifn Zamboanga con el Commanding Officer del battalion si Lt. Col. Joel Atienza ya revela le serca man alas 10 del aga amediante ta man checkpoint sila na lugar, tiene un van estaba na east coast ya pasa y ya puede sila nota uno del ciete pasahero muntao tiene pistola ta lleva.
Dayun el maga soldao ya encercula con el van pero ya dale pa mira accion el persona quien tiene pusil el acto para imbisti pero ya pwede dayun conele pichi el maga soldao.
Ya pone conele baho na investigacion hasta consu maga uban pasahero que ta aparese man familia sila
Todo muntao na van.
Pero el persona armao ya puede presenta documento ta dale mira un “asset” le del un companiya del militar y ya puede tambien man cuento si Atienza consu handler o officer.
Asegun encamino sila para na centro del Sangali para visita con el diila pariente.
Ya habla si Atienza dayun tambien sila ya larga con el persona hunto consu maga pariente despues yan clear disu personalidad.