Davao City – Gisugyot karon sa Mindanao Migrants alang ngadto sa mga opisyales sa Brgy. nga maghimo og programa o atimanon ang mga Overseas Filipino Workers kun OFWs nga anaa sa ilang area.
Sumala ni Inorisa Elento sa Mindanao Migrants Center atol sa pakighinabi sa DXDC RMN Davao kaniya, hinaut niya nga mamahimong aktibo ang mga barangay sa pag-atiman sa mga problema sa OFWs ilabi na kadtong gikan sa middle east nga nakasinati og mga pagpangabuso.
Dugang niya, ang barangay maoy mamahimong mutabang sa pag pahisayon sa mga tukmang panghinanglanon sa mga nagkaproblema nga mga OFWS ngadto sa hingtungdang ahensya sama sa Overseas Workers Welfare Administration (OWWA) XI.
Sa karon, aduna nay pipila ka mga OFWs ang nakauli dinhi sa region XI partikularminte gikan sa nasud Kuwait apan matud ni Elento sagad kanila buot mugawas pagbalik apan sa lahi na nga nasud.
Matud pa nga sagad sa ilang mga rason mao ang kalisod ug dili usab igo ang tabang sa gobyerno alang sa panginahanglanon sa ilang mga pamilya.
Hinungdan nga gitambagan nalang sila nga magmatngon na ug sutaon pag ayo ang nasud diin asa sila buot manimpalad.
RadyoMaN Renz Barbarona
