Pagadian City – Tulo ka milyon ang natangag sa tulo ka mga tulisan diin duha lang kanila ang misugat sa biktima diha sa kilid sa Phil-Am Insurance nga nahimutang sa Cabrera Street corner Pajares Street nga sakop sa Brgy. San Francisco, Pagadian alas 3:30 sa hapon niadtong sabado.
Wala na kalugnot pa ang Assistant Manager sa Palawan Pawnshop nga si Graham Nash Villagonzalo Tati human kalit nga gitiunan og armas de fuego sa mga suspek nga armado sa walamatino kalibre sa pistola.
Sa imbestigasyon nasayran nga sakay ang biktima nga 26 anyos sa Honda Wave nga motorsiklo dala ang maong kantidad human sa pagwithdraw niii sa usa ka bangko samtang nagbayhe ang biktima gisundan matud pa sa mga suspek nga sakay sa laing motorsiklo og dihang nakahigayon pugsanon nga gikuha sa tulisan ang bag nga gisudlan sa tres milyones nga kantidad sa salapi.
Ang Theft and Robbery Section kasamtangan pang nagpadayon sa imbestigasyon kabahin sa maong kaso aron pag-ila sa mga suspek.
