Malay, Aklan – Natigayon nga maaresto kung mga taga Aklan PDEU, Malay PNP ag PDEA –Aklan rong sangka assistant tour guide matapos nga raya hay ginpaidaeom sa buy-bust operation kabii sa Sitio Tulubhan, Brgy. Manocmanoc, Boracay.
Ro suspek nakilaea kay Mark Jude Miñez, 25-anyos ag residente man it nasambit nga lugar.
Gin aresto rong suspek matapos nga makipagtransaksyon sa mga kapulisan kung sa siin nahabakean ra imaw daywa ka sachet it uga nga dahon it marijuana kabaylo it P 1,200 nga buy-bust money.
Samtang sa ginpatigayon nga body search sa suspek hay nabuoe pa gid ro dugang nga 5 ka sachet it ugang dahon it marijuana.
Bago pa man natigayon nga maaresto rong suspek hay may pilang dominggo man raya nga ginpaidaeom sa surveillance bangud nga nakaabot sa mga otoridad rong report nga sigidas ro ana karang pagbinaligya.
Magapangatubang man it kasong pagbayolar sa Sec. 5 ag 11 it RA 9165 ukon Comprehensive Dangerous Drugt Act of 2002 si Miñez.
