Davao City – Padayon karon nga ginaproseso sa City Government of Davao ang dugang bakuna nga paliton sa syudad, gawas sa alokasyon gikan sa national government.
Matud ni Davao City Mayor Sara Duterte-Carpio, kasamtangang ginaproseso ang pagpalit og bakuna sa AstraZeneca ug Novavax nga mao ang duha ka pharmaceutical companies nga interesadong magbaligya og bakuna diretso sa Local Government Unit (LGU).
“Duna ‘tay gipalit sa AstraZeneca, gi-process na nato ang atoang pagbayad. Duna pud ‘tay paliton sa Novavax, and ongoing ang atoang pag-comply sa mga documentary requirements nila. So far, kini pa lang duha ang willing nga magbaligya directly sa local government unit,” matud sa Alkalde.
Gibutyag ni Mayor Sara nga prayoridad karon sa lokal nga panggamhanan ang bakuna ug pagsigurong kini muabot sa syudad.
Nasayran nga nagsugod na ang vaccination rollout sa dakbayan diin unang gibakunahan ang mga healthcare workers nga maoy anaa sa priority list sa gobyerno.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
