El Committee on Barangay Affairs hay descuti entero semana con el pinal desisyon aserca el determinasyon del boundery del cada barangay na entero ciudad de Zamboanga.
Asegun con el Majority Floor Leader Consejal Ceasar Jimenez,Sr, prinsipiando lunes, Enero 8 hasta 11 hay descuti el kumite con el exacto locacion del boundery del cada barangay para por lumenos eradica ya el problema de boundery que por largo tiempo ya hinde ta man tupahan el cada barangay.
Si Jimenez ya abla cay cuantos barangay ya lang el hinde pa ta conforma con el areglo del boundery y pornedio del siguiente public hearing, el consejo ta esperanza cay fuede ya coneste resolva pinalmente.
Apelo de Jimenez con el mga cabeza de barangay para aparece gayot na public hearing para nuay quien man mahay y sale desgustao na resulta del acuerdo. – Bhong Simbajon/RMN News
