Nahamyang na karon sa ila balay sa Sitio Cordero, Barangay Ferrariz , Sara, Iloilo ang bangkay sang Ilongga OFW nga si Joanna Daniella Demafelis.
Ini matapos gindala na kahapon sang hapon ang bangkay sini halin sa punerarya sa banwa sang Ajuy, Iloilo kon sa diin ini ang ginhimos kag ginpaidalum sa proseso sang embalsamasyon kasunod sang pag-abot sini sang nakaligad nga Sabado halin sa Manila.
Wala naman mapunggan sang iloy sini nga si Eva Demafelis ang paghilibion kag pagpahayag sang kaakig sa mga amo sang iya bata nga suno sa iya daw kasubong lamang sang baboy ang ginhimo sang mga ini kay Joanna.
Nahibaluan nga base sa autopsy result, ginpatay sa pagkastigo ang biktima antis ginsulod sa freezer duha ka tuig na ang nakaligad.
Isa ka semana nga igahamyang sa ila balay si Joanna antis idul-ong sa iya katapusan nga palahuwayan.
