AT LARGE | Mga suspek sa pagluthang patay kag Mercedes "Ging-ging" Nava kag sa kaupod sini, at large sa gihapon.

2109

Wala gid malab-ot sang mga pulis ang mga suspek nga nagluthang patay kanday Mercedes “Ging-ging” Nava kag Erwin Fontillas sa barangay Calajunan, Mandurriao, pasado alas 11 kahapon sang aga.

Ginpahayag ni Punong Barangay Luis Tagaytayan sang Calajunan, Mandurriao nga padulong sa Sooc paguwa sa circumferential road ang direksyon sang pagpalagyo sang mga suspek sakay sa motorsiklo.

Suno kay Tagaytayan nga apat tubtub lima ka lupok ang ila nabatian sang ginluthang ang mga biktima.

Nahibaluan nga nakaagum sang patal nga pilas sa baba kag dughan si Ging-ging Nava samtang si Erwin Fontillas naman ang nakaagum sang mga pilas sa dughan kag tiyan.

Gindala ang mga ini sa Western Visayas Medical Center apang pareho nga wala matabangan sang mga doktor.

Ginpahayag ni Punong barangay Tagaytayan nga nagbalik lamang sang mga kaha sang softdrinks nga ila ginhulam sa junk shop sa calajunan si gingginga nava kag posible ginbantayan sang mga suspek kag ginluthang.

Facebook Comments