ATENSIYON | Land Transportation Office, gin-umpisahan na ang pag-implementar sang panibag-o nga polisiya sa driver’s license!

241

Roxas City, Capiz – Gin-umpisahan na sang Land Transportation Office (LTO) pag-implementar sang mga panibag-o nga polisiya partikular sa pag-apply sang driver’s license.
Umpisa kahapon nga adlaw sang Lunes, Enero 7 ang mga medical certificates lamang nga ginsumiter online sang mga accredited nga klinika kag mga doktor ang pagabatunon sang LTO.
Ang nasambitan nga pagsulondan ang aplikable man sa mga naga-apply para sa student permit kasubong man ang mga naga-renew sang ila lisensya.
Una nga ginpatuman ang nasambitan nga polisiya sa National Capital Region (NCR) kag Region 11.
Ini man ang iga-implementar man sa Region-V,IV-A, IV-B kag Region-VII sa maabot nga Enero 14.
Samtang epektibo man ini sa Region-VI kag Region-IX sa Enero 21; ang Region-I, II kag III sa Enero 28 kag naka-schedule ang implementasyon sini sang kaangay nga polisiya sa maabot nga Pebrero 4 sa Region-X, VIII, Cordillera Administrative Region kag CARAGA Region.

Facebook Comments