Pagadian City –
NAGHAWOD ang mga atleta sa Zamboanga del Sur sa bag-o palang gitak-upan nga upat a adlaw nga Zamboanga Peninsula Regional Athletic Association Meet 2017.
Nisalmot ang kapin 5mil ka mga atleta nga gikan sa Syudad sa Dapitan, Dipolog, Isabela, Zamboanga ug Pagadian City.
Ang ihap gilangkuban usab sa mga deligado gikan sa probinsya sa Zamboanga Sibugay, Zamboanga del Norte og sa host ang Zamboanga del sur.
Sa elementary level nangumpra og mga medalya sa Regular Sports Competitions ang mga atleta sa probinsya nga dunay 43 ka Gold, 26 ka Silver og 32 ka bronze medal.
Samtang sa secondary level nangharus sa ilang balwarte ang defending champion mga atleta sa probinsya sa lain-laing matang sa pa-ugnat sa kusog diin gidekla nga Grandchampion sa ikaupat nga higayon.
Misunod sa pwesto ang Zamboanga City og nakarga usab sa top 3 ang Pagadian City.
Dako ang pasalamat ni Deped 9 regional director Isabelita Bores sa gipakitang suporta sa mga opisyal sa probinsya sa pagpanguna ni Governor Antonio Cerilles.
Nabuhi usab ang dugo sa mga pildihan nga grupo dihang gidasig ni Cerilles ang mga atleta sa pagpaningkamot pa alang sa sunod tuig nga kompetisyon.
