Emosyonal ang mga atleta sa badminton team kag ang mga kaupdanan sag mga ini nga pambato sang Region 6 o Western Visayas Regional Athletic Association sa Palarong Pambansa 2019 matapos na-disqualify ang ila team bangud sa isyu sa home locality.
Suno kay Eunice Gaan, spokesperson sang grupo, indi makatarungan ang pagdisqualify sa anum ka atleta sa badminton bangud indi matuod ang isyu nga indi taga Iloilo ang mga delegado.
Sa ginhiwat nga presscon sang grupo subong nga adlaw sa Davao City, iya gin-athag nga naga-butho ang mga atleta sa St. Roberts School sa Iloilo.
Dugang pa ni Gaan nga pasado man ang mga bata sa Regional Screening Committee o RSAC kag nakahampang naman sa Palarong Pambansa sang nagligad nga tuig.
Bangud sini, ila ikonsultsa sa ila legal counsel ang nasambit nga isyu.
Sa karon, nagalaum ang grupo nga ila maistorya ang Department of Education ilabi na si DepEd Secretary Leonor Briones.
Nahibaluan nga santo sa impormasyon nga nakuha sang RMN Davao, ang team ang nagdaog sa Palarong Pambansa 2018.
