ATM cards ni Bragas nga narecover kang Empoy gamitong ebidensya

Davao City- Gamiton sa Special Investigation Task Group (SITG) Bragas ang narekober nga ATM cards sa rape slay victim nga si Architect Vlanche Marie Bragas sa posisyon sa usa sa mga suspek nga si Renato Bayansao kun Empoy.

Segun ni Police Colonel Alberto Lupaz, Davao City Police Office City Director, usa kini ka materyal nga mamahimo nilang magamit nga ebidensya sa korte kontra sa suspek. Matud ni Lupaz, naghulat sila sa City Prosecutor’s Office, kung kanus-a ang unang hugna sa hearing sa Bragas rape slay case.

Gikumpirma ni National Bureau of Investigation 11 investigating agent Juhary Guro nga lakip sa mga narekober atol sa gilusad nga joint buy bust operation uban ang Philippine Drug Enforcement 11 ang anaa sa tulo ka mga ATM cards sa rape slay victim nga si Arch. Vlanche Marie Bragas ug sa Bragas family sa posisyon ni Bayansao o Empoy kinsa usa sa mga giidentipika sa Special Investigation Task Group (SITG) nga usa sa mga suspek sa krimen.

Nagpadayon karon ang imbestigasyon ug pag-ila sa usa pa ka John Doe ug pagpangita sa bao-bao trike nga gisakyan sa suspek ug sa biktima.

RadyoMaN Aimee Guinita