Davao City – Padayon karon ang imbestigasyon sa Tagum City Police Station (PS) sa nahitabong pagpanglungkab sa usa ka automated teller machine (ATM) ug jewelry shop sulod sa usa ka mall sa Apokon Road, Tagum City, Davao del Norte niadtong Miyerkules, September 6, 2023.
Sa pakighinabi sa DXDC RMN Davao kang Police Senior Master Sergeant (PSMS) Francisco dela Cruz, personahe sa Tagum City PS, iyang gibutyag nga nakasulod ang mga suspek pinaagi sa pagbangag sa pader sa mall, nga dili layo sa modus nga paglungkab sa usa ka supermarket sa Puan, Davao City.
“Actually, napansin to sya pag-open na sa mall, mga 9:00 (sa buntag). (Nahitabo sa) kadtong sa may ground floor. Kadtong ATM machine bitaw didto ug jewelry,” saysay ni dela Cruz.
Gikaingong nakatangag og milyones nga kantidad sa kwarta ug alahas ang mga suspek diin aduna usay closed-circuit television (CCTV) footage apan dili maklaro ang dagway sa mga suspek tungod sa ilang tabon sa nawong.
RadyoMaN Kirby Manzon
Facebook Comments
