Ta man lingasa ahora el Oficina del City Environment and Natural Resources (OCENR) por causa con el atrasao completion del cell number -2 na sanitary landfill na brgy Salaan.
Durante el entrevista del RMN ZAMBOANGA con el hefe del OCENR Engr Rey Gonzales, ele ya habla que comformesta lleno ya el cell-1 del sanitary landfill y ta precura ya lang sila busca mejoras paraber puede pa con este usa para tiene onde buta con maga basura del ciudad.
Asegun con Gonzales, serye de communication el ya embia sila na officina del Inheniero del ciudad desdel anyo 2016 por causa con este asunto, pero hasta ahora nohay este tiene resulta.
Base asegun na assesment di Gonzales con el presente estado del construccion del cell-2, ay costa largo tiempo antes con este puede completa, y este el disuyu lingasa por causa ay emfrenta sila grande problema siendo monte-monte ya el basura na cell-1 este maga tiempo, si por que ta pidi le con el City Engineer’s office coordina con el contractor quien ta agara con el proyecto.
(photo:ctto)
