Davao City – Gihusay na sa pamilya ang kaso may kalabutan sa giingong pagpanglugos sa 16 anyos ngadto sa iyang kaugalingong ig-agaw human kini mitan-aw og porno nahitabo sa Brgy. San Isidro, Tagum City, Davao del Norte.
Sa ekslusibong interbyu kang PRO-XI spokesperson P/Chief Insp. Jason Baria, gitino niini nga attempted rape lamang ang nahitabo ug wala matud pa nahilabtan ang 14-anyos nga bata subay sa interbyu sa Women and Children Protection Desk (WCPD) sa Tagum City Police Station ngadto sa biktima.
Gani, dili na interesado ang ginikanan sa 14-anyos nga biktima nga mupasaka og kaso ngadto sa 16-anyos nga suspek.
Gumikan niini, gipasa na sa Tagum PNP ang maong kaso ngadto sa Department of Social Welfare and Development (DSWD) aron tutukan mismo ang sitwasyon sa 14-anyos nga biktima.
Una nang gireport nga base sa imbestigasyon sa Tagum City Police Station nga gikan matud pa ang 16-anyos sa usa ka internet café ug mitan-aw og porno ayha miuli.
Sa dihang pag-uli sa suspek alas-10:00 sa gabii, mitapad kini matud pa sa iyang ig-gaw og didto nahitabo ang pagsulay sa paglugos.
RadyoMaN Jason Amisola
