Kadungan sang mainit nga deliberasyon sa tunga sang Panay Electric Company kag sang city council kahapon, mainit man ang panawagan sang mga raliyesta nga ugyunan ang ginapamatukan nga renewal of franchise sang Peco.
Kahapon sa plaza Libertad, nagtipon ang mga supporters nanday Councilor Jushua Alim kag Plaridel Nava agud magpakita sang suporta sa pagpanguna sa kawsa sang mga ini nga pagpamatok sa pag-renew sang franchise sang Peco.
Talalupungdon man ang presensya sa hublag protesta nanday Atty. Dan Cartagena kag Dr. Gold Gonzalez.
Suno kay Cartagena, ara siya sa rally agud magpakita sang suporta sa pagpamatok sang nasambit nga prankisa sang Peco kag tagreklamo man bilang konsumidor sang electric company.
Samtang, ginpanginwala naman ni Dr. Gold Gonzalez ang alegasyon nga ila ginpangtipon ang tagsa ka mga coordinator sa kada-distrito sang siudad agud magtambong kag magpartisipar man sa hublag protesta.
