Atol sa press conference kagahapon sa hapon, September 3, 2024 sa dihang gidawat ni Atty. Torreon ang hagit kaniya ni PBGEN. Nicolas Torre III, Regional Director sa PRO-XI nga pamatud-an kung duna ba gyoy mining operation nga gihimo ang kapulisan.
Gipanawagan ni Atty. Torreon nga magdungan sila ni Torre uban ang media aron i-check ang JMC basement. Wala miabot si Torre apan giadto sa abogado uban ang media ang mga agianan padulong basement, apan pakyas silang nakasulod human sila gibabagan sa kapulisan.
“As you can see, we wanted to confirm whether or not there is in fact an excavation being done in the JMC basement. But we were prevented thrice. Maski dumaan kami sa kabilang way, nandoon sila,” sulti ni Torreon.
Gidugang sa KOJC legal counsel nga kontrolado na sa kapulisan ang halos tanang pasilidad sa KOJC compound ug wala sila gitugtan sa ilang hangyo nga bakantehan ang KOJC Cathedral tungod sa ilang religious activities subay sa KOJC anniversary.
RadyoMaN Kirby Manzon
