Katungod sa katawhan sa iligan nga masayod kun unsa nga klase sa kontraktor ug kapasidad nila nga modala ug dakung proyekto sa usa ka syudad.
Hinungdan nga nagtoo si Atty. Leo Zaragoza nga dili sayop ang gihimong lakang sa upat ka opposition councilor sa hawanan sa konseho sa syudad nga boot nilang ipatawag ang kontraktor aron ilang mapangutana labot sa tukorong public market sa dakbayan.
Matud ni Zaragoza, bisan pa ug upat lamang sila sa konseho apan katungod nila nga masayod sa ipatumang proyekto sa syudad ug kinahanglan girespito unta kini sa ilang mga kaubanan.
Gikasubo ni Zaragoza ang pahayag sa konseho nga una na ipatawag ang kontraktor human ang pagpinirmahay sa kontrata.
Kining maong kontraktor mao’y mo trabaho sa tukoron nga public market sa dakbayan sa iligan.
