Davao City – Supak si Southern Philippines Medical Center (SPMC) Chief of Clinics Dr.Ricardo Audan nga i-ban dinhi sa nasud ang tanang Chinese nationals kay usa kini ka matang sa diskriminasyon ngadto kanila.
Dili uyon si Audan nga did-an ang mga Chinese nationals makasulod dinhi sa Pilipinas inay anaa na sa tawo ang pag-amping sa kaugalingon aron makalikay ug dili matakbuyan sa novel coronavirus.
Gipamugos ni Audan nga dili pa angay ma-alarma ug mag-panic ang publiko tungod nag-lockdown na ang Wuhan aron ang coronavirus dili mokuyanap diin ang nasud nato makonsidera pa karon nga ‘virus-free’ hangtud karon.
Aron makalikay sa infection sa virus, makanunayon ang pagsuot og face mask, magsampong sa baba kun mo-ubo, dili magbeso-beso, manghugas og kamot ug dili moduol sa tawo nga nagpakita og sintomas sa mao nga balatian, dugang ni Audan.
Pikas bahin, gipaniguro ni Audan nga andam na ang Southern Philippines Medical Center (SPMC) sa virus ug gani kumpleto na ang mga gamit ug nabansay na usab ang ilang mga medical staff.
RadyoMan Joel Viray
