Davao City – Aminado ang labaw sa Southern Philippines Medical Center (SPMC) nga dili tanan ug daghan gihapon ang wala mituman sa health protocols nga gi-imposar sa gobyerno kontra sa COVID-19.
Sa nakita ni SPMC Officer-In-Charge Dr. Ricardo Audan nga gawas sa publiko, duna’y pipila ka mga health workers sa ospital ang lakip sab nakasupak sa health protocols policy.
Nasuta sa SWS survey result nga 79% sa mga pinoy ang wala magsuot og facemask ug 67% ang wala sab manghugas og kamot luyo ning pandemya nga nasinati sa tibuok nasud.
Dili malilong nga ubos ang kaso sa COVID-19 sa siyudad tungod mas daghan sa mga Dabawenyo ang nagsanong sa health protocols itandi sa kaulohan ug sa ubang dapit sa nasud, matud ni Audan.
Gihimo na karon nga balaud karon sa SPMC ang pagtuman sa health protocols diin ang health workers nga makalapas sa unang sa higayon makadawat og reprimand.
Pila ka adlaw sa pagsuspende sa trabaho nga walay sweldo alang sa ikaduha ug ikatulo nga paglapas ug pagkatatak sa serbisyo pag-abot sa ika-upat nga pagsupak sa health protocols.
Buot ni Audan nga madisiplina ug mabatasan sa iyang mga health workers ang pagsuot og facemask, pag hugas og kamot, pagsuot og face shield sa ingon dili sila mahimong rason sa dugang pagkanat sa kagaw sa siyudad sa Dabaw.
Well, based sa observation dili gyod perfect ug naa gyod pasaway even sa mga health workers naa man gihapo’y pasaway. Siguro dili na sila matagam until maging pasyente pod sila kay ang ila man gud sobra kakumpiyansa,” segun ni Audan.
RadyoMaN Joel Viray
