Davao City – Wala nay mahimo ang Southeastern Mindanao Diversified Drivers and Operators Cooperative (SEMDDOC) sa pagbiyahe sa 12 ka mga augmentation bus units sa ruta sa Toril ug Catalunan Grande syudad sa Davao.
Sumala ni SEMDDOC Chairman Maning Duran, supak sila niini tungod kay maapektuhan ang panginabuhi sa mga gagmay’ng drivers ug operators nga dili makasarang sa pagpalit og bus isip kabahin sa Transport Modernization Program sa nasud, apan wala na silay mahimo tungod kay sugdan na ang High-Priority Bus System dinhi sa Davao ilawom sa administrasyon ni Mayor Inday Sara Duterte-Carpio.
Matud ni Duran, dunay matanggong nga mga pasahero sa Catalunan Grande tungod kay gisirad-an na man ang prangkisa sa maong ruta.
Giklaro ni Duran nga usa sa tumong niini mao ang pag-phase out sa mga daan na nga mga sakyanan nga maoy gigamit sa pagpamasahero karon.
RadyoMaN Bernard Pantallon
