Dapitan City – Padayon pang gihulat sa kapolisan sa Dapitan ang resulta sa gihimong otopsiya sa Scene of the Crime Operatives kon SOCO kalabot na sa hinungdan sa kamatayon sa usa ka Australian National, nga nadiskobrehang patay sulod sa iyang balay sa Brgy. Larayan dakbayan sa Dapitan.
Nasayran nga nakit-an na lamang sa iyang bayaw nga patay na sulod sa iyang panimalay pasado alas 6:00 sa hapon, adtong maiaging adlaw ang 70 anyos nga si Clive Gordon Roberts, minyo nga taga Autralia.
Gikabutyag sa bayaw nga si Jose Gino Redillas 54 anyos nga sa iyang pagpa-uli gikan sa trabaho mao nalang iyang nadiskobrehan ang biktima naghayang na duol sa may cr ug wa nay kinabuhi.
Dugang pa niini nga dunay gihambin nga sakit ang maong langyaw og gani bag-o lang kini nakagawas sa Dapitan City Hospital adtong bulan sa hunyo human naadmit gumikan sa sakit nga severe anemia secondary to chronic disease.
Sa karon anaa na sa st. Peter Chapel sa Brgy Estaka, ang patya’ng lawas sa langyaw subject for autopsy.
