Nanguna ang Australia sa World Surfing League (WSL) World Junior Championships na ginanap sa San Juan, La Union matapos makuha ng kanilang mga atleta ang parehong titulo sa finals.
Sa araw ng finals, ipinakita ng mga world-class junior surfers ang kanilang galing sa harap ng mga alon ng San Juan, na naging saksi sa mga kahanga-hangang rides at makasaysayang sandali sa kanilang karera.
Sa men’s division, pinangunahan ni Dane Henry ang kompetisyon sa pamamagitan ng malinis na performance, kung saan nakamit niya ang pinakamataas na single-wave score ng event at nanatiling undefeated hanggang sa pagtatapos.
Samantala, sa women’s division, ipinakita ni Isla Huppatz ang parehong kahusayan, nagpakita ng consistency at kumpiyansa sa bawat heat, at nakuha ang World Junior Women’s title kasabay ng pinakamataas na single-wave score.
Ang matagumpay na performance ng mga Australian surfers ay nagpatunay sa kanilang pagiging nangungunang bansa sa junior surfing at nagbigay-daan sa kanilang pagkilala bilang mga susunod na global stars ng isport. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
