Australyano patay sa road accident

AUSTRALIAN CITIZEN PATAY SA DISGRASYA
Patay ang usa ka foreigner nagmaneho sa iyang motorsiklo nga Yamaha Mio kagahapong adlawa sa alas 5:10 an takna sa hapun sa National Highway, Sitio Bioborjan, Brgy. Rizal, Surigao City. Kini human aksidenting nasaghiran sa biktima ang kasugat na dumptruck nga may plate no. ASA 9064.
Naila ang biktima nga si LANE MARTIN, 41 anyos, lalaki, Australian Citizen, negosyante, kasamtangan nagpuyo sa Brgy. Mabua, Surigao City. Ang dumptruck driver naila sab nga si Losmil Cagula Anting , 41 anyos, minyo, residente sa Purok 4, Brgy. Honrado, San Francisco, Surigao del Norte samtang nakasakay sab sa maong dumptruck mao sila MAR CIA BUAL, 47 anyos, menyo, driver, residente sa Bagong Silang, Brgy. Poblacion, San Francisco, Surigao del Norte; ug ARMAN SANTILLANA CABRERA, 46 anyos, residente sa Purok 1 Brgy. Trinidad, sanan ROSFRANK LIPAO OROZCO, 29 anyos, residente sa Purok 6, P. Reyes st. Brgy. Taft, Surigao City.
Subay sa imbestigasyon ni PSSgt. Alex Fuentes nasuta nga tungod sa kakusog sa dagan sa motorsiklo nawad-an ug kontrol ang rider human ni-overtake sa pikas dalan ug didtu nakasugat niini ang dumptruck, milikay pa ang driver sa truck apan nasapon gihapon ang maong motosiktlo hinungdan nga naugsok ang ulo ni ini sa sementadong dalan ug pagkabali sa batiis ug miresulta sa iyang kamatayon.
Dali pa nga gidala sa Caraga Regional Hospital ang biktima apan gideklara kining dead on arrival sa attending physician.

Facebook Comments